Gure ikasleek bi egun pasatu dituzte Igantzi aldean, ur jolasak, zuhaitzen arteko zubiak gurutzatuz, tirolinetan behera eta abar. Eguraldi beroa baina giro bikaina izan dute.

Gure eskolako ikasle batzuk eta baita Sakanako Herri Eskola gehiagokoak ere Allozko urtegian pasatu dute aste bete ur ekintzak burutzeko. Oso ekintza polita izan da eta primeran egon dira. Hurrengoan gehiago!

Apirilaren azken astean, San Juan de Dios hospitaletik bisita interesgarria izan genuen. Borondatez lan egiten duen begiralea izan genuen gure artean, bizitzaren bukaerari buruz hitz egiteko. Ikasleek interesa azaldu zuten eta bere iritzia emateko aukera izan zuten.

Apirilaren 23an Liburu Eguna ospatzen da. Aurten larunbata izan zenez, hurrengo astelehenean ospatu genuen Herriko Plazan. Ikasle nagusitxoek txikiei irakurtzeaz gain, hainbat gurasok bere hizkuntzan irakurri ziguten, eskolan beste hizkuntza batzuk badirela ere erakutsiz: portugesa, arabiera, wolof…

Apirilaren 2an, goizeko 5:30etan gure eskolako Korrikako lekukoa hartu genuen Sakana Kooperatibaren parean Herriko enparantzara arte. Ikasleen ordezkoa Maren Azpiroz izan zen; irakasleena, Itziar Pazos eta gurasoena, Ibai Hernaiz. Emozioz betetako unea izan zen. Eskolako KORRIKA TXIKIA, aldiz, astelehenean burutu zen, apirilaren 4ean, eguraldi ona genuelako. Herrian barna abiatu ginen, kolorez eta umorez betetako ibilbidean. […]

Martxoaren 14an Lehen Hezkuntzako ikasle batzuk Parke Polora joan ginen bide-hezkuntzan aritzera. Asko ikasteaz gain, oso ongi pasatu genuen Argazki gehiago

Otsailaren 25ean eskolako iyoteak ospatu genituen. Denok apain-apain jantzita eta dotore dantzatuz sekulako giroa sortu genuen. Gora Lakuntzako Eskola! Argazki gehiago

Otsailaren 23 arratsaldean, 16:30etan matrikulazio bilera bat izango da eskolan, eta biharamunean, otsailaren 24an, 10etan Ate Irekien jarduna. Zatoz eta ikusi!

Gabonak ondoren San Saastin ospatu dugu. Piperropilak egin ditugu eta danborrada jo. Primerako esperientzia!

Egun handia da Gabonetako azken eguna eskolan. Ikusi bestela, nolako jaialdia antolatu zen, kalejira, Olentzero eta Mari Domingiren etorrera eta opari banaketa. Guztiaren berri duzue hemen