Udaberriarekin batera, gure ikasleek, eskolan ditugun bi baratzak modu berezi eta koloretsu batean apaindu dituzte. Bertan barazki, lore eta landare ezberdinak landatu dituzte. Oso gustoko izan dugu baratza prestatzea, orain, hau zaintzea dagokigu. Eskerrik asko baratza proiektua aurrera eramaten lagundu diguzuen guztioi!

Irakurketa, kalera! Apirilaren 23a Nazioarteko Liburu Eguna denez, guk liburuez gozatzea pentsatu dugu eta horretarako, kalera atera gara. Herriko plazan, eguzki epeletan, bakoitzak bere liburua irakurri edo ikasle batzuk besteei irakurri diegu. Zein plazerra izan den…!

Irailean hamaika telebista gure eskolara etorri zen gure eskolako baratza ezagutzera. Kazetariak , eskolako baratzaren arduradunari, Mariaje Villanueva, elkarrizketa egin zion. Honek gure baratzeko funtzionamendua azaldu zion, eta bai lehen hezkuntzako eta bai haur hezkuntzako baratza erakutsi zizkion. Erreportaia duela bi ostiral ikusi izan genuen “Hiri Baratzea: Orburuak, masusta gorriak, Lakuntzako eskola eta zelaien edertasuna” […]

Eskolako baratzeko uzta jaso genuen. Loteak egin eta zozketa egin genuen Lehen Hezkuntzako ikasleen artean. Bertako barazkiak, maitasun osoz zainduak. Zortekoak gara eskolan baratzea izateaz, horrela, barazkien prozesu guztian zehar partaide aktiboak izaten dira ikasleak. Hazia ereiten duenak uzta jasotzen omen du. Eta guk lortu dugu! Eskerrik asko uda guztian zehar baratzea zaindu duzuen familiei!